Vá....

...hvað það verður gaman á Þjóðhátíð!

Vona að Ástralíubúinn þoli smá vætu........

Húkkaraball með Magna og Toby

Svartur sunnudagur

Dapurlegar fréttir á miðlunum í dag. Banaslys á Suðurlandi og morð í Reykjavík. 

Það er ekki laust við að það fari um mann, ég á ungling sem er að keppa á fótboltamóti í Laugardalnum og skelfilegt að hugsa til þess að það gangi þarna laus ofbeldismaður með skotvopn.

Mínar innilegustu samúðarkveðjur til hlutaðeigandi.

Maðurinn sem varð fyrir skotárás í Reykjavík er látinn

Glæsilegt!

Ég hef fulla trú á að Bakkafjara verði góður kostur fyrir okkur.  Nú verða þeir sem hæst hafa látið um göng bara að fara að sætta sig við þessa niðurstöðu og að við sameinumst um næsta framfaraskref sem er hálftíma sigling í stað 3 klst. volks.

Auðvitað verður einhvern tímann ófært en við búum einfaldlega á Íslandi og það á landsbyggðinni og það er eitthvað sem fylgir búsetunni, stundum er ófært yfir heiðar og hálsa og stundum er ófært á sjó.

Aðalmálið er að langir biðlistar í skipið og viðurstyggileg sjóveiki í hvert sinn sem gustar af suðvestan verður úr sögunni.

Vona bara að Herjólfur hangi saman í þrjú ár til viðbótar.

Elliði: Þurfum að vinna sem best út frá þessu

Svo er fólk hissa....

... á því að maður sé lofthræddur.  Óraunhæfur ótti hvað?

 Vona að maðurinn nái sér sem fyrst.

Haldið sofandi á gjörgæsludeild

Mér líður eins og.....

ég sé óhrein eða með gyðingastjörnu á arminum þegar ég les sumar moggabloggfærslurnar. Ég er mikið að velta því fyrir mér hvort ég hafi skrifað undir eitthvað afsal á réttindum til þátttöku í samfélaginu þegar ég flutti til Eyja. Ég man ekki eftir því. Ég stóð í þeirri trú að Vestmannaeyjar væru hluti af Íslandi og að mínir skattpeningar færu í sameiginlegan sjóð sem maður stundum fær eitthvað úr, oftar setur maður í.

En að fá framan í sig skolpgusur eins og komu frá samgönguráðuneytinu um daginn, að mínir skattpeningar séu minna virði en annarra landsmanna, við séum bara ekki með, það sé hægt að gefa í okkur skít þegar þeim sýnist.... ja það er ekki hægt að verða hissa þó almenningur grýti vesalingana þegar aðallinn gefur tóninn.

Sjálf fagna ég því ef hægt er að skúbba þessari gangnahugmynd út af borðinu næstu áratugina og að menn fari að einbeita sér að raunhæfari leiðum í samgöngubótum eins og Bakkafjöruhöfn og bættri Herjólfsleið.

En við eigum víst að sætta okkur við minna en ekkert.

„Álitamál hvort göng til Vestmannaeyja séu réttlætanleg"

Af 19. júní og sérstakri merkingu hans hjá mér.

Þá er bleikur dagur á enda runninn!  Óska öllum kynsystrum mínum hjartanlega til hamingju. Á okkar heimili er þessi dagur með enn hátíðlegri blæ þar sem litli unginn okkar afrekaði það að koma í heiminn rétt fyrir miðnætti á kvenréttindadeginum fyrir 6 árum síðan.

Var með leikskólaafmæli, 15 yndislegir krakkar á aldrinum 4-6 ára auk þriggja eldri systkina þeirra skoppuðu hér innan sem utan húss og ég naut þess í botn að hlaða þau af sykri áður en ég afhenti þau foreldrunum. 

Best að fara að gíra litla hamingjusama sykurgrísinn minn í rúmið....

Af gömlum og góðum bíómyndum.

Ég keypti mér dvdmynd á Amazon.com. Að vísu gat ég ekki spilað hana í dvd spilaranum mínum út af region vandamáli en ég horfði bara á hana í tölvunni. Þetta er gamla góða ævintýramyndin Labyrinth (Jim Henson). Hún var til á æskuheimili mínu eftir að hafa verið tekin upp úr Rúv og var í miklu uppáhaldi hjá mér og a.m.k. litla bróður mínum. Síðan tók ég óvart yfir hana :(

Það var magnað að horfa á hana aftur.  Meistari Bowie var í hreinskilni sagt reyndar oggulítið hallærislegri núna, með sín fjaðurmögnuðu dansspor í níðþröngum buxum og eighties hárgreiðsluna. En hann er samt alltaf góður. Jennifer Connelly var jafn saklaus og góð og mig minnti og Toby litli alveg sama dúllan. Og stjörnurnar, allar hinar frábæru leikbrúður Hensons, standast alveg tímans tönn þrátt fyrir að vera ekki búnar til í tölvu.

Og boðskapurinn er enn í fullu gildi,

að gefast aldrei upp

að stelpur eru alveg jafn klárar og snjallar og strákar (og tröll)

og að maður óskar þess aldrei aldrei aldrei að tröll taki börnin sín. Alveg sama hvað þau grenja.

Jahú og jibbý jei!

Þá kemst maður jafnvel eitthvað upp á land í sumar þrátt fyrir skeytingaleysi um að panta slíkar ferðir í vor.

Ferðum Herjólfs fjölgað í sumar

Af zero viðskiptaviti

Hversu heimskuleg viðskiptaákvörðun er það að reyna markvisst að móðga helming af væntanlegum kúnnum?

Auglýsingaherferð fyrir Coke Zero í bága við siðareglur SÍA

Af samtakamætti Eyjamanna og samgöngum

Frá því ég flutti til Eyja fyrir rúmum 15 árum hef ég dáðst að mörgu og þar með töldu samtakamætti Eyjamanna. Hér er gott að syrgja, hér er gott að eiga erfitt því samkenndin er mikil. Hér er líka gott að eiga góðar og glaðlegar stundir.

Því miður felst samtakamátturinn stundum líka í því að vera samtaka í að tæta niður ágætis hugmyndir. Hér hafa verið gefin út veiðileyfi á ótrúlegustu hluti, allt frá aldursskiptingu grunnskóla (sem þó var kýld í gegn) til þeirrar hugmyndar að gera höfn í Bakkafjöru.  Bakkafjöruhöfn varð að pólitísku óhreinu Evubarni fyrir kosningarnar. "Enginn" virtist vilja Bakkafjöruhöfn og "allir" fundu því allt til foráttu. Gæsalappirnar merkja að ég tel að hávær minnihlutahópur hafi ráðið ferðinni í umræðunni.

Nú tel ég mig vera sérfræðing á mínu sviði. Ég tel mig ekki vera sérfræðing á öllum sviðum. Þar deili ég ekki skoðun með stórum hluta Eyjamanna sem telja sig vera sérfræðinga á öllum sviðum.  Ég tel mig hafa skrambi góða þekkingu á félagsþjónustu og aðstæðum fólks í hinum ýmsu erfiðleikum. Ég tel mig ekki hafa nokkurt einasta vit á því hvort og þá hvernig hægt sé að búa til brúklega höfn við Landeyjasand. Ég treysti þeim sérfræðingum sem um málið fjalla að finna það út.

Ég er þó viss um eitt og tel mig vera sérfræðing í því:  Sjóferðir eins og ég lenti í sl. sunnudagskvöld (og í mörg skipti áður) með Herjólfi eru ekki boðlegar fólki sem vill öruggar og þægilegar samgöngur, fólki sem á heimtingu á öruggum og þægilegum samgöngum. Þetta er ekki boðlegt.  Það hefði skipt mig öllu máli að kveljast aðeins í hálftíma - sem yrði reyndin með Bakkafjöruhöfn, en hefði ekki skipt meginmáli þó kvölin hefði aðeins verið klukkutíma styttri en hún var - sem yrði reyndin með nýjum "hraðskreiðum" Herjólfi til Þorlákshafnar. Og það breytir mig engu þótt hægt verði að gera göng einhvern tímann um miðja þessa öld. 

Með hverri sjóveikihrinunni hallast ég æ meira að Bakkafjörunni. En það skiptir svo sem engu. Ég hef nefnilega ekkert vit á þessu og því síður ræð ég þessu. 

Búsetu minni til skemmri og lengri tíma ræð ég hins vegar......