Fleiri kveðjuljóð til vinnufélaga -Kristín Jóna 1996

Allmörg kvæði hafa orðið til við brottför vinnufélaga þau tæpu 17 ár sem ég hef starfað í Ráðhúsi Vestmannaeyja.

Þegar Kristín Jóna vinkona mín ákvað að flytja á suðvesturhornið átti ég mjög erfitt, ég var ekki bara að missa vinnufélaga heldur góða vinkonu í burt. Hún er enn vinkona mín en það verður að játast að samskiptin eru umtalsvert fátíðari.  Ég sakna hennar ennþá alveg rosalega mikið.

Þetta ljóð er sungið við Eyjan mín bjarta (Gylfi Ægis). 

Kveðjuljóð Kristínar Jónu 

Kristín mín kæra við kyrjum þér söng

því kveðjustund kemur senn

við sakna munum þín síðkvöldin löng

er sumblum hér síðar starfsmenn

Við átt höfum saman yndisleg ár

við allskyns amstur og bras

Og öll við fellum nú yfir því tár

að heyr' aldrei í hádegi þras

 

Núna Guðni kokkur vel

getur byrlað oss í hel

ekkert vit við höfum á

hvort matinn borða má

 

Fyrst Þráinn sú frekja þig flytur á brott

þá finnst okkur hinum sko rétt

að senda hann til L.A. að meika það flott

en þú kemur aftur ólétt

Við treystum því vina og trúum á það

að togi þig Eyjarnar í

því Hrefna og Hera þær fóru af stað

en heim þó snéru á ný

 

Því að leyfi launalaust

þú að líkindum nú hlaust

og aftur snýrð því heim

þú fylgir hinum tveim

 

Kristín mín kæra, við kyrjum þér söng

því kveðjustund kemur senn

við sakna munum þín síðkvöldin löng

er sumblum hér síðar starfsmenn

Athugasemdir

[Kristín Jóna (IP-tala skráð) 19.10.2008 kl. 17:18]

Ó my god, ef þetta fékk ekki gæsahúðina fram á mér og stutt í tárin.

Ég hef einmitt undanfarið hugsað svo mikið til ykkar, hitti Önnu, Erlu og Magga á ráðstefnu um daginn og við vorum einmitt að tala um gamla tíma.

Ég sakna þín líka sko helling, og ég held að við verðum nú að fara að gera eitthvað í þessu. Hvernig væri að það yrði planaður hittingur í Eyjum og ég kæmi bara og við stelpurnar á Bæjó myndum fá okkur eitthvað gott að borða og kannski svolítið mikið hvítvín með.

Við gleymdum nefnilega að halda uppá (ekki rétt orðalag) 10 ára fjarveruafmælið mitt. Huh, huh huh.

Miss you baby