It's alive!
4.5.2008 | 13:05
ÉG ER KOMIN Í SUMARFRÍ FRÁ NÁMINU!
Teningunum er kastað, sendi frá mér prófverkefnin í gær. Nú er bara að sjá hvort þetta skilar tilætluðum einingum eða hvort ég verð felld á því að hafa sem hópstjóri hópverkefnis flæmt í burtu alla hina meðlimi hópsins svo ég sat ein uppi með súpuna. Jæja, maður gerir ekki betur en maður getur.
Og ég vaknaði í með þá tilfinningu að ég væri endurfædd, það er líf að loknum skóla. Heilt sumar framundan með ekkert nema 100% vinnu og fjölskyldu. M.a.s. sunnudagaskólinn kominn í frí.
Svo mín fór að þrífa. Viti menn. Hvað haldiði að ég hafi fundið undir stól inni í stofu?
Páskaeggjamálshátt.
Voru ekki páskarnir óvenju seint í ár ... eða var það öfugt? Nei ég veit ekki hvað stóð á honum, hann hvarf upp í ryksuguna. Örugglega eitthvað kjaftæði eins og "þokka býður þrifin hönd"
Assgoti er fínt hérna núna. (það er lokað inn á skrifstofu og inn til unglingsins).
Hvurn fjandann á ég að gera af mér eftir hádegi?
Já sunnudagaskólinn er svo sannarlega búinn. Mín farin að blóta
Athugasemdir
Ég er alveg viss um að það var nákvæmlega það sem stóð á páska-eggja-máls-háttar-miðanum
Annars finnst mér nú lítið til koma. Ef ég væri ekki búin að vera með manneskju í þrifunum fyrir mig síðustu mánuði þá myndi ég ryksuga upp jólaskraut, ef ég færi af stað með ryksugu núna
Jóna Á. Gísladóttir, 4.5.2008 kl. 15:11
Sko, það er alveg nóg að ryksuga fyrir páska.
Koma so með pistil og sukkmyndir úr Kanarí-ferðinni.
Þröstur Unnar, 4.5.2008 kl. 18:06
Jóna mín, það er ekkert langt síðan ég ryksugaði upp afganga af innibombu-konfettí
Þröstur, þetta kemur allt með kalda vatninu. Það þarf að ritskoða you know.
Guðrún Jónsdóttir, 9.5.2008 kl. 20:54
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.